Banorët fillojnë të zgjohen një edhe nga një, pas ndezjes së dritave dhe muzikës në sfond nga Vëllai i madh, që si zakonisht sjell zgjimin banorëve. I pari zgjohet Xhimi, i cili çuditet kur sapo hap sytë shikon Jonildën në krevatin e Arsimit, ku për një çast mendon se ishte vërtet Arsimi e më pas qesh me vete. Më pas ai shikon që Olta e ka kaluar natën në krevatin e Ilirit dhe për këtë fillon ta ngacmojë vajzën, ndërkohë që Olta thotë se nuk ka asgjë të keqe, pasi ajo thjesht ka fjetur me të.
Pas pak minutash Xhimi shkon në kuzhinë për të gatuar, ku si zakonisht, u shpjegon amvisave menunë e ditës së sotme. Shpendi ndërsa zgjohet gjen një çokollatë në krevat dhe i çuditur ia tregon këtë gjë Jonildës, duke thënë se çdo javë pas spektaklit ai ka gjetur nga një çokollatë te jastëku, por nuk e di se kush është personi që ia bën këtë dhuratë. Jonidla mendon se është dikush që e simpatizon e Shpendie e falënderon, kushdo qoftë nga banorët, për këtë gjest. Disa nga banorët dalin në kopsht e ndërsa qëndrojnë me njëri-tjetrin, fillojnë të diskutojnë rreth provës javore, e cila për ta ishte shumë impenjative. Ata këshillojnë njëri-tjetrin që provat në vijim t’i marrin më seriozisht, pasi nga to varet buxheti i tyre javor. Më vonë fillojnë të flasin sërish duke e gjykuar neglizhencën e Joanës për sa i përket provës së kësaj jave, por gjithashtu kujtojnë edhe disa momente shumë të bukura gjatë provës së kësaj jave.
