Ndërkohë që Elena dhe Olta ndodhen në kuzhinë e fillojnë të diskutojnë rreth produkteve ushqimore që kanë në shtëpi dhe gatimeve që mund të bëjnë si edhe merren me pastrimin kuzhinës, banorët e tjerë janë të ndarë në të dyja dhomat e gjumit.
Xhimi, Shpendi dhe Eldora rrinë afër njëri-tjetrit, duke folur rreth ngjarjeve në shtëpi. Ata flasin për Marselinin dhe sjelljen e tij që herë pas here bëhet bezdisëse. “Ai mendon se do të jetë për gjithë jetën këtu”, thotë Xhimi për të, duke sqaruar se ai sillet mirë me Marselinin, pavarësisht rezervave qe ka për të. “Unë mundohem të jem njerëzor me të, por ai nuk është njeri”, shprehet Xhimi. “Do ta pësojë në jetë shumë keq”, thotë Shpendi dhe mendimin tij e mbështet edhe Eldora.Ata janë të mendimit se Marselini ka krijuar bindjen se mund të jetë në imunitet. Ndërsa Xhimi mundohet të ngacmoje Eldorën në lidhje me marrëdhënien që po mundohet të krijojë me Shpendin, Eldora shprehet: “Unë kam hyrë vetëm dhe do të dal vetëm”. Xhimi mendon se ajo mund të dalë e lidhur me dikë nga shtëpia e Big Brother. Kështu, të tre fillojnë me lojëra fjalësh mes tyre. Xhimi u thotë se mendon që ata mund të dalin bashkë nga Big Brother, pasi sipas tij, Shpendi ndryshon kur është me Eldorën dhe se ai vë re një transformim total të tij në ato momente. Eldora duket se ndihet mirë nga fjalët e Xhimit e kështu fillon të ngacmojë Shpendin, duke i thënë se ai nuk ia ka shprehur asnjëherë këtë gjë. Aty shkon Etleva, e të katërt flasin rreth ngjarjeve në shtëpi gjatë ditës së sotme.
