Marselini dhe Eldora fillojnë të bisedojnë me njëri-tjetrin në dhomën e gjumit, ndërsa janë bërë gati për të fjetur gjumë. Marselini kërkon të mësojë më shumë rreth karakterit të Eldorës e sidomos rreth marrëdhënies që mundohet të krijojë ajo me Shpendin. Eldora sqaron se ka krijuar miqësi me Shpendin dhe asgjë më tepër se kaq. Ajo e konsideron mik, siç mund të jetë edhe Elona për të. Më pas diskutojnë rreth mënyrës se si mund të arrijnë t’i njohin banorët brenda shtëpisë, ku Marselini mendon se Eldora i shikon pozitivisht të gjithë banorët. Ajo e pranon se kjo gjë është e vërtetë, pasi të gjithë njerëzit kanë edhe anën e tyre negative, por nuk duhen gjykuar nga ky aspekt. Marselini, ndryshe nga ajo, mendon se një njeri njihet vetëm me anë të diskutimeve dhe debateve, pasi vetëm në ato kushte e njeh, duke parë se deri ku mund të arrijë ai person. Pas pak minutash, të dy banorët vendosin të flenë gjumë. Etleva diskuton me Elonën për familjen e saj dhe pjesëtarët e familjes, duke thënë se secili prej tyre ka karakter të ndryshëm. Për veten thotë se i ngjan të atit, por duhet t’i japë më shumë rëndësi dhe vëmendje të ëmës, për të cilën thotë se e ka marrë shumë malli. “Nuk ka më të rëndësishme se nëna në jeta”, i thotë Elona. Iliri dhe Olta ndodhen në kuzhinë, ku bisedojnë me njëri-tjetrin, ndërsa Iliri është duke larë enët. Ata pasi bisedojnë dhe bëjnë shaka me njëri-tjetrin Arsimi trembët ndërsa fle dhe ka një vështirësi në frymëmarrje për një moment. Banorët në dhomë e venë re këtë gjë dhe me ndihmën e Xhimit, Elona dhe Etleva mundohen ta qetësojnë, duke e zgjuar. Ata të gjithë shkojnë në kuzhinë e pas disa minutash shakash e të qeshurash midis njëri-tjetrit, të gjithë shkojnë në dhomat e gjumit e shtrihen për të fjetur gjumë.
