Banorët e tjerë janë grumbulluar rreth tavolinës së ngrënies dhe flasin për buxhetin javor dhe për ushqimet që kanë porositur dhe të tjera që kanë harruar të porosisin.
Elona shkon sërish te kolltukët, duke u bashkuar me vajzat, dhe vazhdojnë të diskutojnë sërish rreth dyshimit të saj. Ajo thotë se Eldora ka shansin që Elona nuk mund ta pyesë Marselinin në lidhje me këtë dhe nuk ka se ku të marrë tjetër informacion. Eldora mundohet ta sqarojë që kjo nuk është e vërtetë, por gjithashtu i bën të ditur se nuk kërkon që të ndikojë tek ajo as për mirë e as për keq.Ajo që e bën të stepet Elona është që Eldora i ka shprehur asaj pakënaqësi për Marselinin, por sërish përmbys dyshimet dhe mendon se kjo mund të jetë loja e Eldorës. ”Ti do të më shtrëngosh dorën kur të dalim, po të them që nuk jam dhe nuk të ndihmoj më”, i thotë Eldora, ndërsa Elona e bindur më shumë se kurrë, thotë: “Do të të shtrëngoj dorën kur të vazhdojmë të jemi mike edhe pse të kam folur keq për vëllanë tënd”. Aty shkojnë edhe disa nga banorët e tjerë dhe kështu biseda mes vajzave përfundon me kaq. Joana dhe Elena janë bashkuar me vajzat në sallon, ndërsa fillon një diskutim mes Elonës dhe Joanës për sa i përket jetës së kësaj të fundit. Elona e pyet në lidhje me të dashurin e saj dhe vendin ku e shikon të vazhdojë jetën e saj, duke e pyetur: “Mendon të shkosh në Greqi?”. Joana fillon të tregojë se ka një lidhje prej 6 vjetësh me dikë, me të cilin edhe pse nuk është ndarë, marrëdhënia e tyre është ftohur. Ajo tregon për lidhjen që është duke ndërtuar me Anaidin, për të cilën thotë se përderisa ndihet mirë në krahët e tij dhe ka nevojë për përqafimet e tij, kjo do të thotë që ngrohtësia e një mashkulli i ka munguar dhe se paska nevojë për këto përqafime. “Megjithëse unë këtu nuk po e teproj”, shprehet ajo, e cila nuk hedh poshtë që e ka dashur dhe vazhdon ta dojë ende të dashurin që ka jashtë.
