Elona-Elenës: “Je e pjekur për moshën që ke”; Diskutojnë rreth debatit

Elena dhe Elona shkojnë në dhomën e gjumit dhe fillojnë të diskutojnë me njëra-tjetrën rreth debatit, ndërkohë që qëllimi i Elonës është që të kuptojë qëndrimin e Elenës dhe faktin nëse është ndikuar nga Marselini dhe debati që Elona ka pasur me të, për ta gjykuar atë. Elena i bën të qartë se fakti që ajo qëndron shumicën e kohës me Marselinin nuk do të thotë që ajo duhet t’i japë të drejtë atij lidhur me çdo situatë. Elona i thotë se ajo është e pjekur për moshën që ka dhe se po i pëlqen strategjia e saj për sa i përket lojës që ka zgjedhur të bëjë. 

Xhimi dhe Etleva bëjnë xhiro rreth pishinës dhe diskutojnë rreth debatit me protagonist Marselinin. Ata janë të mendimit se ai është i vetmi i padëshiruar në shtëpi nga shumica e banorëve. Të dy argumentojnë përgjigjen, duke marrë shkas nga debati dhe ngjarjet e shumta që kanë ndodhur në shtëpi.

Ndërkohë, në shtëpi vendoset muzikë në sfond dhe banorët fillojnë të kërcejnë e të argëtohen me njëri-tjetrin.

Më pas Shpendi qëndron afër pishinës me Xhimin dhe fillojnë të diskutojnë rreth ngjarjeve të fundit në shtëpi si edhe për largimin e tre banorëve nga shtëpia. Për Altinën mendojnë se nuk e ka vlerësuar aq sa duhet faktin që u bë pjesë e banorëve të shtëpisë më të famshme në Shqipëri.

Pas pak minutash me ta bashkohen edhe disa nga banorët e tjerë e të gjithë fillojnë të bisedojnë rreth situatave të caktuara.