Banorët fillojnë të zgjohen edhe pse me përtesë. Ndër banorët që e kanë nisur më shpejt se pjesa tjetër ditën e sotme janë Olta, Xhimi dhe Jonilda. Ata të tre pasi përfundojnë punët e tyre personale të mëngjesit, pinë kafe të tre bashkë dhe më pas shkojnë në kuzhinë për të përgatitur mëngjesin.
Olta i kërkon Xhimit që të gatuajë për të dhe Xhimi fillon që të gatuajë, ndërsa Jonilda i vjen në ndihmë. Gjatë kohës që përgatisin mëngjesin, ata shkëmbejnë biseda të shkurtra dhe komentojnë mënyrën e gatimit. Olta i thotë Jonildës “për mua ti je një vajzë perfekte” dhe më pas sqaron se asaj i pëlqen Jonilda si tip i qeshur, që bën shumë lojra, por edhe shumë e pastër dhe e shkathët në punë. “Ai njeri që do të marrë ty duhet të jetë shumë i kënaqur sepse ti nuk je vetën një vajzë qejfit, por edhe punëtore, e pastër dhe e rregullt” thotë më tej Olta, ndërsa Xhimi i vjen në ndihmë me shprehje popullore “je nikoqire, me pak fjalë”. Më pas ata vazhdojnë të bisedojnë për ushqimet, ndërkohë që gatuajnë mëngjesin.
