Në dhomën e gjumit ndodhet Anaidi, Joana, Marselini dhe Elena. Joana u tregon banorëve për një bisedë që ka bërë me Ilirin, ku i ka kërkuar falje atij për debatin që kanë pasur para ca ditësh. Ajo tregon detaje rreth bisedës dhe thotë se e konsideron të drejtë veprimin e saj. Ndërsa Anaidi dhe Marselini e gjykojnë disi për këtë veprim, pasi mendojnë se ajo i është përulur në një farë mënyre, duke dashur t’i kërkojë falje. Anaidi i flet gjatë rreth kësaj situate, duke u munduar ta bindë se veprimi i saj ka qenë i gabuar e këhstu fillon një diskutim i gjatë rreth tyre. Joana nuk e mendon kështu veprimin e saj, por gjithashtu shton se kjo është pjesë e lojës së saj dhe se i intereson që të rregullojë marrëdhënien me Ilirin.
Arsimi dhe Olta ndodhen në dhomën e ngrënies dhe fillojnë të bisedojnë për qëndrimin në shtëpi dhe situatat e krijuara çdo ditë mes banorëve. Olta thotë se herë pas here mërzitet me të njëjtat biseda dhe diskutime. Pas pak aty shkon Anaidi dhe Marselini e të katërt nisin të bisedojnë rreth ngjarjeve në shtëpi gjatë ditës së sotme. Ata flasin rreth hyrjes në Big Brother, duke menduar se çfarë mund të ketë një njeri për të qenë pretendent për të fituar Big Brother-in. Ata mendojnë se nuk është zgjuarsia karakteristika kryesore për të fituar një kompeticion të tillë. Eldora dhe Etleva shkojnë në dhomën e gjumit, ku ka disa minuta që janë fikur dritat nga Vëllai i Madh si shenjë për banorët që duhet te flenë gjumë. Ato tregojnë ngjarje nga jeta dhe familjarët e tyre si dhe kujtojnë raste festash me familjarët, ku kanë pirë dhe janë argëtuar.
