Eldora e Shpendi vazhdojnë të rrinë në një krevat dhe përfitojnë nga rasti për të mësuar më tepër rreth njëri-tjetrit. Ata pyesin edhe për gjëra që i dinë për tjetrin, duke menduar se në këtë mënyrë mund ët zbulojnë sekretin që fsheh banori tjetër. Eldora fillon të flasë për veten edhe një herë si në prezantimin e parë dhe të njëjtën gjë bën edhe Shpendi. Ajo tregon për shkollën e infermierisë që është duke ndjekur si edhe për punën e saj, ndërsa Shpendi tregon për biznesin tij familjar.
Iliri vazhdon ende duke u marrë me gatimin në kuzhinë, ndërkohë që afër tij rri Olta, e cila e ndihmon. Edhe Arsimi shkon afër tyre, e kështu fillojnë të bisedojnë të tre e të bëjnë shaka me njëri-tjetrin.
Pasi mbaron gatimin, disa prej banorëve shkojnë rreth tavolinës për të darkuar bashkë me të.
Anaidi dhe Elona diskutojnë midis tyre për jetën në Paris. Elona i tregon për jetën e saj, duke thënë se jeta aty është shumë e shtrenjtë. Gjithsesi Elona i fton për një vizitë në Paris, duke u munduar të shkojnë për të ngrënë në vende të lira. Ajo tregon se aty jeta e natës është shumë e shtrenjtë. Pas shakave e të qeshurave, banorët mbarojnë darkën dhe është sërish Iliri ai i cili pastron kuzhinën dhe lan enët, ndërsa banorët e tjerë shpërndahen nëpër dhomat e gjumit, duke u bërë gati për të fjetur.
