Edberi dhe Vigani bëjnë plane

Dy banorët më të rinj të shtëpisë së Big Brother ndodhen në oborr. Nën pretekstin e pastrimit të oborrit të ata të dy e shfrytëzojnë për të biseduar lirshëm me njëri-tjetrin dhe mbase edhe për të menduar ndonjë plan për ditët në vijim. Në atë moment del Elena dhe shkëmben disa ngacmime me Edberin, por Vigani ndërhyn duke i thënë ta lerë të qetë sepse ajo është me të. Edberi gjoja i çuditur dhe me shaka i pyet nëse ata të dy kanë nisur të ngacmohen dhe largohet paksa nga Elena. Më pas ai i uron të dyve me një fejesë në shtëpinë e Big Brother. Pasi Elena largohet djemtë kthehen tek planet e tyre. Vigani i thotë Edberit se ai po e bën lojën shumë mirë dhe ndan detyrat. Edberit i sugjeron të merret më shumë me vajzat e shtëpisë ndërsa ai do kujdeset për të dy palët. Vigani thotë se u lidh me një pjesë të banorëve edhe për shkak të kitarës. Edberi e pyet Viganin se çfarë u ka thënë disa prej banorëve për të, në mënyrë që edhe bisedat ti bëjnë të koordinuara. Djemtë duket sikur e kanë situatën nën kontroll dhe i kanë ndarë rolet mes tyre në shtepi.