Për një kohë të gjatë Marselini dhe Elona tentojnë të sqarohen në lidhje me debatin e tyre dhe faktin se përse marrëdhënia që kanë nuk është e mirë. Elona i thotë edhe një herë Marselinit se ajo e ka kuptuar mirë lojën e tij që sipas saj përpiqet që të nxjerrë keq të tjerët nëpërmjet atyre që thotë. “Ti mua u mundove të më nxirrje si një person të çrregullt dhe unë veprimin tënd ta fal vetëm nëse ka të bëjë me sekretin tënd, në të kundërt më vjen keq por s’mundem të fal” thotë Elona, ndërsa Marselini përpiqet që ta sqarojë se gjesti i tij nuk ishte personal kundër saj.
Në diskutim e sipër Elona i thotë Matrselinit se pjesa më e madhe e banorëve në shtëpi mendojnë se ai është hipokrit dhe jo i sinqertë dhe Marselini i përgjigjet me të qeshur “po më bën të ndjehem i rëndësishëm”. Përgjigjia e Marselinit bën që Elona të nervozohet pak dhe i thotë se ai ka të drejtë sepse ajo vërtetë po i jep rëndësi duke folur akoma me të. Marselini i rikthehet përsëri seriozitetit dhe thotë “unë jam i vetëdijshëm që për shumicën e banorëve këtu, jam personi më pak i dëshiruar”. Midis Marselinit dhe Elonës diskutimi merr tone më të ashpra ku secili mbron idenë e vet. Marselini justifikohet se banorët i janë kundërvënë atij sepse ka mbrojtur mendimet e veta. Elona e kundërshton duke i thënë se ai e ka humbur respektin e banorëve me disa shprehje të tipit “nuk kam respekt për anjë brenda shtëpisë”. Në këtë moment ndërhyn edhe Shpendi i cili i del në mbrojtje Elonës duke i thënë Marselinit se ai ka gabuar në momentin që shprehje të tilla i ka thënë për të gjithë banorët edhe pse ka qënë duke debatuar vetëm me njërin prej tyre
