Elona shkon në dhomën e gjumit të katit të dytë për të fjetur gjumë, por fillon një debat me Marselinin, pas një batute të tij për Elonën. Ajo i thotë në inat e sipër se ai po qëndron brenda vetëm për t’i ngatërruar njerëzit e për të bërë thashetheme, por përfiton nga rasti që janë në një format të tillë sepse nuk i njeh as vetë limitet ku mund të shkonte nëse do të ishin jashtë. Këto fjalë e bëjnë që edhe Marselini ta ofendojë atë e më pas Jonildën, e cila hyn në dhomë dhe sulmon Marselinin, duke i thënë se ai përfiton të debatojë nga një rast i tillë, sepse ka kaq ditë që asnjëri nga banorët nuk i flet.
Elona largohet dhe Iliri përfiton për t’iu gjendur pranë e për t’ia sqaruar situatën, duke i thënë se qëllimi i tij nuk ishte që ta mërziste, por e këshillon se duhet të sillet me qetësi në çdo moment, pasi banorët mund të përfitojnë prej saj. Anaidi, i cili dëgjon një pjesë të këshillave të tij, i kërkon Elonës që të mos dëgjojë gjithçka si këshillë dhe të mos anashkalojë asnjë detaj, pasi secili prej tyre mendon fillimisht për veten. Iliri e ndien veten të kërcënuar nga fjalët e Anaidit e i kërkon atij të mos ndërhyjë, madje e merr mënjanë Elonën, duke i kërkuar të mos e dëgjojë Anaidin, pasi ai thjesht kërkon që të krijojë armiqësi mes tyre, dhe kjo është arsyeja pse vetë Iliri po e injoron ka disa ditë. Ata largohen, por Elona i kërkon sqarim lidhur me fjalët që Iliri i ka thënë në dhomën e gjumit, në sensin e këshillës e të dy vendosin të sqarohen jashtë.
