Banorët vazhdojnë të qëndrojnë jashtë në oborr duke marrë rreze e duke shkëmbyer shaka mes tyre, ndërsa Xhimi kërkon ndihmën e banorëve për të përgatitur drekën dhe shkon në kuzhinë. Elona është e vetmja që i ofron ndihmën e saj për të gatuar dhe shkon edhe ajo në kuzhinë, ndërsa të tjerët vazhdojnë të marrin rreze.
Gjatë kohës që Elona merret me përgatitjen e drekës, në kuzhinë vjen Iliri sepse ende nuk ka ngrënë mëngjes. Ai fillon të bëj shaka me Elonën dhe të dy kujtojnë bisedat që kanë ndodhur gjatë darkës. Në një moment Elona i thotë Ilirit se ka nevojë që të bisedojë me të faktin se ata kanë lënë një bisedë përgjysmë. Elona u mërzit me Ilirin sepse në një moment ai i tha “shko në dhomën tjetër dhe na sill informacione se çfarë bëhet andej”. Kjo shprehje e bëri Elonën që të ndjehej keq sepse Iliri është një ndër banorët që ajo ka vlerësuar më shumë brenda shtëpisë. Iliri i thotë Elonës se ai nuk kishte si qëllim që të lëndonte atë, por po ironizonte banorët e tjerë. Elona nga ana tjetër i thotë se ajo ka nevojë të dijë nëse ai vërtet mendon se ajo përcjell informacione në shtëpi, apo ishte thjesht një batutë e thënë për ironi të banorëve të tjerë. “unë ta shpjegova versionin tim, ti tani mundohu të kuptosh vetë se çfarë mendimi kam unë për ty” i thotë Iliri Elonës. Elona më pas i sqaron se ajo u prek nga fjalët e tij vetëm për shkak se me të ka krijuar një lloj afrimiteti dhe respekti.
