tyre. Elona thotë se në jetën reale bën të pamundur për t’i mbajtur larg këta njerëz pasi nuk mund të durojë sjellje dhe reagime të ndryshme nga i njëjti person, për shkak të luhatjes së tyre të humorit. Më vonë fillojnë të flasin për lodhjen që janë duke ndier gjatë provës. Xhimi mendon që të shkojë t’i vizitojë të gjithë banorët, për të larguar disi lodhjen dhe gjumin. Joana dhe Edberi vazhdojnë të rrinë afër njëri-tjetrit, të mbështjellë më kuvertë, pasi janë duke ndier të ftohtin e natës. Joana thotë se në kushtet që ndodhen i duket sikur gjithë popullsia është infektuar nga ndonjë virus e ata duhet të rrinë të izoluar për të mos u infektuar. Të dy qeshin me imagjinatën e Joanës, të cilën e ndan me Edberin edhe pse vete i duket qesharake. Më pas në të gjithë shtëpinë dëgjohen këngë nga banorët, të cilët edhe pse të ndarë në grupe, këndojnë të gjithë bashkë, duke e zgjedhur si mënyrë për të larguar gjumin. Shpendi vendos t’i bëjë një lojë Xhimit, duke i thënë Viganit që ta lajmërojë se gjoja ata janë duke fjetur. Xhimi shkon i nervozuar e u kërkon që të zgjohen, pasi në këtë mënyrë ata penalizohen të gjithë. Banorët qeshin dhe u tregojnë se ishte një lojë nga ana e tyre, megjithëqë thonë se vërtet është duke u ardhur gjumi dhe nuk e dinë edhe sa mund të rezistojnë.
