Jonilda përfiton nga rasti për t’u përshëndetur me të gjithë banorët, ndërsa disa prej tyre janë duke qëndruar afër dy banorëve të rinj, Edberit dhe Viganit.
Joana përshëndetet me Arsimin, ndërsa me ta bashkohet edhe Shpendi, i cili i bën të qartë se dy banorët të cilët kanë ndier më shumë mungesën e saj kanë qenë Arsimi dhe Xhimi. Jonilda thotë se më shumë nga të gjithë banorët i kanë munguar vetëm katër prej tyre dhe ata janë: Arsimi, Olta, Joana dhe Shpendi. “Kam hyrë me ty dhe do të dal përpara teje”, i thotë Shpendi, duke e vlerësuar kështu Jonildën.
Ndërkohë që të tre kalojnë disa minuta duke bërë shaka me njëri-tjetrin, nga ana tjetër është pjesa tjetër e banorëve me përfaqësues Ilirin, i cili krijon atmosferë me shakatë e batutat e tij. Olta dhe Elona shkojnë në dhomën e gjumit e fillojnë të bisedojnë me njëra-tjetrën të mënjanuara nga pjesa tjetër e banorëve. Ato mendojnë se tani ka filluar loja e vërtetë midis të gjithëve. Më pas diskutojnë për largimin e Etlevës, duke thënë se ajo në një farë mënyre e priste dhe e kërkonte eliminimin, për shkak të mallit që po ndiente për familjarët e saj. Disa nga banorët kanë dalë në kopsht dhe aludojnë rreth banorëve të rinj dhe rregullave që ka nxjerrë Vëllai i Madh për ta. Disa prej tyre mendojnë se dy banorët e rinj mund të kenë sekrete e disa të tjerë mendojnë të kundërtën. Aty kalon Edberi, të cilin Anaidi e pyet rreth dyshimit të të gjithëve. “Surprizat vazhdojnë”, përgjigjet Edberi duke qeshur, i cili mbyll diskutimin banorëve të tjerë.
