Ende pa mbaruar diskutimin rreth debatit që është krijuar mes Anaidit dhe Arsimit, në tavolinën e ngrënies, ku ndodhen djemtë dhe ndër ta edhe Marselini, shkon Elona, e cila i kërkon llogari atij rreth një gjesti të pahijshëm.
Marselini, pak minuta më parë, ka hedhur nga një lartësi këpucën e Elonës, të cilat ajo duket që tregohet shumë e kujdesshme, dhe kjo gjë ka ndodhur pa një shkak.
Ajo i afrohet me këpucën në dorë dhe i kërkon llogari duke e pyetur se çfarë e ka penguar që arriti të bënte asnjë gjest. Ndërkohë, Marselini nuk jep një shpjegim për veprimin e pahijshëm dhe me këtë i lë shkak Elonës që ta gjykojë dhe madje ta qortojë, duke i thënë që këto veprime i bën pasi nuk mund të jetë i rëndësishëm në këtë shtëpi. Ajo i tregon se ai nuk mund të ekzistojë i vetëm brenda Big Brother dhe për këtë bashkëpunon me banorë të tjerë. “Guxo të prekësh edhe një herë rrobat e mia”, arrin t’i thotë ajo. E nervozuar nga situata në fjalë Elona arrin t’i thotë edhe se ai është një shembull shumë i keq për qytetarët beratas, të cilët po mundohet t’i përfaqësojë. E vetmja gjë që arrin t’i thotë Marselini, është: “Ç’të bëri birra moj?”, duke pasur parasysh birrat që pinë vajzat gjatë festës së organizuar nga Vëllai i Madh për fetën e 8 Marsit. Elena i kërkon që ai këto veprime t’i bëjë në prezencë të saj dhe jo fshehtas, ndërsa Marselini mundohet ta kalojë situatën, duke mos i dhënë rëndësi. “Nuk më bëri përshtypje aspak biseda jote”, i thotë Marselini. Ai i kujton Elonës se është femër dhe se duhet të logjikojë ndërsa flet, ndërkohë që i kujton edhe se ka jetuar 23 vjet jashtë dhe nuk ë di ende se çfarë është edukata. Elona, e nervozuar del jashtë për t’u qetësuar, ku janë edhe disa nga banorët e tjerë, ndër ta edhe Anaidi, të cilët e këshillojnë të qetësohet dhe të ketë kujdes me fjalët që përdor. Ajo përmend fjalët e Marselinit “Kam respekt për ty”, duke i vënë përballë me gjestin e pahijshëm që ka bërë me rrobat e saj. “Ai është hipokrit”, përdor herë pas herë Elona, e cila hyn në dhomë dhe e diskuton situatën me Eldorën.
