Joana: “Kam marrë një vendim: Po ndahem nga i dashuri”; Dyshime për sekretet

Joana shkon tek vajzat në sallon dhe ndërsa Elona largohet, ajo fillon të flasë me Elenën dhe t’i tregojë asaj për një vendim që ka marrë. Ajo tregon se kërkon t’i japë fund marrëdhënies së saj për sa i përket lidhjes që ka jashtë dhe të fillojë të mendojë vetëm për veten. Joana tregon se ka më shumë se një vit që nuk është e kënaqur nga lidhja e saj, pasi gjërat mes tyre kanë filluar të ftohen. “Këtu është një realitet krejt tjetër që të bën të ndryshosh”, shprehet Joana, si për të justifikuar veten. Ajo që e shqetëson është familja, për të cilën mendon se ka për ta kuptuar me kalimin kohës. Elena e mbështet, duke i thënë se edhe ajo do të vepronte në të njëjtë mënyrë dhe se kjo gjë mund ta ndihmojë për sa i përket qëndrimit të saj në shtëpinë e Big Brother.

Eldora shkon afër Marselinit në kuzhinë e në bisedë e sipër Marselini i thotë se mendon se po zbulon sekretin e saj. Eldora i kërkon që të shkojë të shtypë butonin nëse është i sigurt, por ai thotë se miqësia që janë duke krijuar nuk e lejon që ta rrëfejë sekretin e saj.
Ndërkohë, aty shkon Elona, e cila i thotë Marselinit se nëse ajo sigurohet dhe del se sekreti që po dyshon është i vërtetë, do t’i japë dorën në shenjë respekti, por në të kundërt relatat e tyre do të mbeten në kushtet që janë.

Në dhomat e gjumit fiken dritat nga Vëllai i Madh e pas pak disa nga banorët shkojnë për të fjetur gjumë, ndër ta edhe Iliri e Etleva, ku pasi bëjnë shaka me njëri-tjetrin, Etleva i tregon se është afër zbulimit të një sekreti. “Jam 99 për qind e sigurt, por nuk të tregoj dot asgjë”, thotë Etleva.
Pas pak minutash ata vendosin të flenë gjumë, ndërsa banorët e tjerë ndodhen në kuzhinë duke bërë shaka me njëri-tjetrin.