Eva në mbrojtje të sekretit, refuzon të flasë për dashurinë e saj

Jonilda, Marselini, Etleva dhe Anaidi ndodhen në oborr. Marselini fillon që të pyesë Etlevën për dashurinë e saj. ndërkohë që ai e pyet nëse ajo ka një lidhje momentalisht jashtë shtëpisë, ose t’i tregojë për lidhjen që mund të ketë pasur.
Etleva refuzon që të flasë për këtë dhe thotë se ajo nuk dëshiron që të flasë për jetën e saj personale.
Marselini si për ta nxitur të flasë i thotë “unë mendoj se ti nuk ke pasur asnjëherë të dashur” dhe Etleva ia kthen “a thua? Zbuloje ky është sekreti im” dhe më pas shton “unë nuk kam ardhur këtu për të folur për jetën time personale jashtë shtëpisë, fakti që unë jam këtu e kam arritur atë që kërkoja”.

Marselini e kundërshton përsëri duke i thënë se me këtë që thotë, ajo duket se kënaqet me shumë pak dhe se nuk ka besim se mund të shkojë larg me qëndrimin e saj në shtëpi. Eva nga ana tjetër mbrohet duke i thënë se kjo nuk është aspak e vërtetë dhe se ajo mendon se mund të shkojë deri në fund, por ky nuk është qëllimi i saj.
Më pas biseda e tyre ndryshon dhe ata fillojnë të flasin për shkollën dhe studimet.