Jonilda, Eldora, Joana dhe Elena janë mbledhur në dhomën e gjumit dhe flasin për vajzat e tjera të shtëpisë. Joana përshembull është e mendimit se Altina shtiret gjatë tërë kohës. Ajo bën si e mërzitur thjesht për të tërhequr vëmendjen. Të gjitha ato mund të kenë pasur një jetë aktive jashtë, jo vetëm ajo, që sillet ashtu.
Më pas Jonilda flet për Etlevën. Ajo thotë se pakujdesia e trupit të femrës tregon shumë, do të thotë që ajo është e virgjër. Eldora thotë se Etlevës nuk ja lejon tradita, por qejfi ja ka. Ndërsa Elenës i duket sikur Etleva e ka një të dashur por e mban të fshehtë. Jonilda u tregon vajzave për mentalitetet e pukjaneve dhe vajzës nga Miloti. Joanën e ka acaruar më tepër fakti që Etleva e ka imituar kur kërcente. Vajzat hedhin hipoteza nga më të ndryshmet për Etlevën. Joana mendon se këtë javë Etleva del nga shtëpia e Big Brother. Elenës nga ana tjetër i është krijuar përshtypja sikur Elona e ka frikë. Ajo shton se për çdo gjë që do bëjë, qoftë edhe sikur ti thotë faleminderit Elona do duartrokasi. Elenën përveçse kjo sjellje e Elonës e habit, por edhe e acaron. Jonilda e qetëson duke i thënë se Elona ka shumë respekt për të. E megjithatë edhe Jonilda shpreh rezervat e saj në lidhje me Elonën. Ajo është çuditur së tepërmi kur Elona e ka pyetur, nëse ajo ka puthur ndonjëherë ndonjë femër. Që prej asaj dite Elona është tërhequr nga ajo – thotë Jonilda.
